Poetry Wales: Barddoniaeth, Nodweddion ac Adolygiadau Beirniadol

Sefydlwyd Poetry Wales yn 1965. Cylchgrawn chwarterol ydyw gydag enw da rhyngwladol am gerddi, erthyglau ac adolygiadau rhagorol o Gymru a thu hwnt. Ac yntau wedi datblygu o ddiwylliant dwyieithog cyfoethog mae Poetry Wales yn archwilio amrywiol agweddau barddoniaeth Saesneg Cymru a’i chysylltiadau rhyngwladol.

Mae’r sylw mae’n ei roi i gyfieithiadau ac i hunaniaethau lleol a chenedlaethol mewn cyd-destun byd eang yn chwarae rhan flaenllaw yn rhai o’r datblygiadau mwyaf diddorol ym marddoniaeth heddiw. Mae’r cylchgrawn ar gyfer y traddodiadol a’r arbrofol ac fe gyhoeddir barddoniaeth o bob lliw a llun. Ynghyd â’r cyferbyniad trawiadol hwn mae’n rhoi cyd-destun beirniadol bywiog a deallus ar gyfer y farddoniaeth gyfoes orau.